蕃茄薯仔湯

最近太座時常話想飲蕃茄薯仔湯，但這對「無飯夫妻」鮮有入廚，惟有專誠走去買幾個蕃茄薯仔，再去肉檔買件「西施骨」，煲一煲湯予太座，做其廿四孝老公去也。一向認為蕃茄薯仔湯同食火鍋一樣要有牛肉，但太座嫌牛肉羶；所以我轉用西施骨，點解用西施骨？太座教落，西施骨煲湯好飲，既然太座曾經表明，當然要銘記於心。
將材料洗切妥當後，先將西施骨「飛水」，點解要飛水？都係太座教落。然後落油落水並將材料倒入煲內煲，幾小時後加鹽蓋好等太座返來飲。最後先落鹽後「蘇絲黃」電視上教的。
結果太座飲完之後，好婉轉話如果多點蕃茄薯仔的話，又少點水的話，煲湯的味道應該會更好。細心一聽，即係話煲湯味道淡喇，今次行動明顯失敗，下次要調整一下。